Në më shumë se një vit pandemi globale, arti dhe kultura është një nga më të prekurit. Sallat e koncerteve, teatrot, muzetë, galeritë, kinematë etj, u mbyllën në të gjithë botën...Dhe vetë artistët, të përmalluar për publik, u detyruan të bëhen akoma më kreativë. Kemi parë evente në salla të zbrazura, koncerte në natyrë, performanca në vitrina dyqanesh që mund të ndiqeshin nga kalimtarët në rrugë Publikut, në të gjithë botën i mungon arti si dikur dhe artistëve, u mungon publiku, si dikur. Pasojat e pandemisë që ka mbërthyer botën prej më shumë se një viti, janë ndjerë ndoshta më shumë se kudo tjetër tek arti dhe kultura. Kriza globale e shëndetit dhe pasiguritë që kanë rezultuar prej saj, janë bërë që të mbyllen sallat e koncerteve, teatrot, kinematë, muzetë e gjithcka tjetër. Dhe tani, durimi i vetë artistëve duket se po soset... Artistët, si këta në belgjikë, të tjerë në Francë, Itali, Austri, janë të dëshpëruar pasi kufizimet në dukje pa fund për shkak të pandemisë, i kanë mbajtur ata larg skenës dhe vendet e zbrazura në sallë i bëjnë frustrimet e tyre akoma më të mëdhenj. Ndaj, ata kanë zgjedhur të zaptojnë dy teatro në bruksel dhe kërcënojnë të vënë në jetë performanca të paautorizuara në një teatër tjetër.