Vladimir Putin lëshoi kërcënimin më të ri bërthamor për Ukrainën dhe Perëndimin, duke premtuar se do të përdorë cdo mjet që ka në dispozicion për të mbrojtur integritetin territorial të mëmëdheut, pavarësinë dhe sigurinë e tij. E kjo, nuk ishte hera e parë që ai e bën një gjë të tillë. Që kur nisi pushtimin e Ukrainës, në shkurt, ai paralajmëroi për pasoja që bota kurrë nuk i kishte parë nëse ndokush do të ndërhynte në luftë. Por këtë herë kërcënimi vjen ndërsa ai stërmundohet të aneksojë rajonet e pushtuara të Ukrainës për ti bërë ato tokë ruse. E në rast se Putin, vendos të shtypë butonin e kuq, cilat janë opsionet e tij...? Në arsenalin e vet, Putin ka një sasi prej 5977 bombash bërthamore, cka nëse është e vërtetë do të përbënte edhe numrin më të madh të armëve të tilla në botë. Prej tyre, 1588 janë dislokuar, cka do të thotë se janë vendosur në një raketë balistike apo janë vendosur në bazat e bombarduesve ajrorë, gati për tu ngarkuar në avionë. 977 bomba të tjera strategjike, që sipas kremlinit mund të rrafshojnë qytete të tëra, dhe 1912 bomba jo strategjike, mbahen rezervë. E sipas llogarive, mbeten rreth 1500 që kanë dalë nga shërbimi ose presin të cmontohen, por teorikisht mund të kthehen në përdorim në rast të një lufte. Për krahasim, SHBA ka një arsenal prej 5428 armësh bërthamore. Britania e Madhe dhe Franca kanë rreth 250 secila. Por, Putin krenohet shpesh edhe me të tjera armë...Mes tyre, raketat balistike ndërkontinentale, raketa bërthamore më e madhe dhe më e avancuar e rusisë, Sarmat...raketat Jars që mund të mbajnë katër bomba bërthamore, por edhe raketat me rreze të mesme veprimi që shpesh quhen bomba bërthamore taktike...