Yevgeni Prigozhin, kreu i grupit mercenary Wagner urdhëroi tëheqjen e autokolonave të cilat ishin nisur drejt kryeqytit rus, për të shmangur gjakderdhjen. Le të kthehemi në bazat tonë, tha Prigozhin. Lëvizja e fundit e kreut të grupit mercenary, erdhi pas një telefonate që ai bëri me presidentin e Bjellorusisë Aleksandër Lukashenko. Prigozhin ra dakord të ndalojë trupat e tij dhe të "de-përshkallëzojë situatën", tha kanali i lajmeve Rossiya 24. “Prigozhin pranoi propozimin e Lukashenkos për të ndaluar lëvizjen e Wagnerit në territorin rus dhe për hapat e mëtejshëm për uljen e tensionit”, tha Rossiya 24, duke cituar shërbimin për shtyp të Lukashenkos. Ai tha gjithashtu se ishte "e mundur për të gjetur një variant të pranueshëm të de-përshkallëzimit të situatës me garanci sigurie për luftëtarët e Ëagner. Tensionet mes Kremlinit dhe grupit mercenar Wagnerit kaluan në një konflikt të hapur, pasi Yevgeny Prigozhin urdhëroi trupat e tij drejt një marshimi në tokën ruse. Mercenarët e Wagner morën mbrëmjen e së premtes kontrollin e zyrave qendrore të Ministrisë së Mbrojtjes dhe të Ministrisë së Brendshme ruse në Rostov on Don. Rebelimi i Wagner kundër Vladimir Putinit nisi pasi Prigozhin akuzon komandën e lartë ushtarake ruse se ka urdhëruar bombardimin e mercenarëve të tij në Ukrainë dhe se po përpiqen që ta eliminojnë si grup.