Është vënë në pranga nga Policia e Shtetit Xhelal Rraja, i cili ishte shpallur në kërkim në kuadër të operacionit “Revanshi”. Gjykata e Posaçme kishte caktuar masën e sigurisë ‘Arrest në burg’ në mungesë për akuzat “grup të struktuar kriminal dhe sigurim të kushteve për vrasjen” e ish-deputetit Arben Ndoka. Por si ishte plani i vrasjes së ish-deputetit? Në dosjen e SPAK, Xhelal Rraja, vëllai i ish-deputetit të PS-së Rrahman Rraja, del si organizator i vrasjes së Arben Ndokës. Sipas SPAK, Ndoka ishte planifikaur të vritej në janar 202 në ‘rrugën e Elbasanit’ gjatë ngushëllimit të vdekjes së një gjyqtari nga Lezha, por plani dështoi pasi ish-deputeti socialist nuk shkoi për ngushëllim në banësen e gjyqtarit të ndjerë. Sipas dosjes, Xhelal Rraja ishte pjesë e grupeve të Durim Bamit e Endrit Dokles që tentuan vrasjen e Ndokës, së bashku me bashkëpunimin e Marklen Hakës.