Arrestohet në Greqi 51-vjeçari Ardian Ahmetaj i akuzuar për vrasjen e tregtarit të makinave Besnik Hida në Lushnjë. Ngjarje kjo e ndodhur në vitin 2019. Ai u prangos gjatë operacionit të koduar “The Ëanted” pas informacioneve të siguruara në rrugë oeprative nga ana e agjentëve të Interpol. 51-vjeçari u kap në Pire ndërsa ishte shpallur në kërkim pas igjykata e Fierit ka caktuar ndaj tij masën e sigurisë arrest me brug për veprën penale “Vrasje me dashje, kryer në bashkëpunim” dhe “Mbajtja pa leje e armëve të zjarrit dhe municionit”. Ahmetaj njihet si pjesë e grupit të Laert Haxhiut, dhe bashkë me këtë të fundit si dhe Orges Bilbilin dyshohet se ekzekutuan Besnik Hidën. Motiv i krimit dyshohet se ka qenë hakmarrja. Policia e zbardhi vrasjen nga analizimi i bisedave telefonike, pamjeve të kamerave të sigurisë dhe dëshmive të mbledhura. Tregtari i makinave Besnik Hida, u ekzekutua teksa më 1 tetor 2019, teksa ishte duke pirë kafe në një lokal në lagjen "Skënder Libohova" në qytetin e Lushnjës mëngjesin e datës 1 tetor 2019. Vrasësit në atë kohë ishin me maska dhe përdorën një makinë të cilën ia kishin grabitur një çifti në Tiranë.