Ky është Alfons Ndoci, personi i cili u arrestua mbrëmjen e e së shtunës nga policia greke pasi u identifikua nga një prej viktimave të tij në grabitjen në Mykonos. Sipas policisë greke, çdo gjë nisi kur një person që ndodhej në një qendër tregtare në qendër të Athinës, nisi të thërrasë se dy persona që ndodheshin në të njëjtën qendër tregtare me të ishin grabitës të armatosur. Prej verifikimeve dhe denoncimit të bëra prej qytetarit në qendrën tregtare, rezultoi se shtetasit shqiptarë Alfons Ndoci dhe Gerald, kishin dhunuar dhe më pas grabitur në nëntor të 2022 në ishullin e Mykonos shtetasin shqiptar Tonin Preka. Ne ate kohe Preka i cili eshte biznesmen dhe pronar i disa vilave ne ishullin e Mykonos, kishte denoncuar se pesë persona te cilët nuk i njifte më parë, e kishin kërcënuar dhe më pas goditur duke i rrëmbyer një cantë me 40.000 euro të cilën e kishte për te bërë pagesat e stafit te bizneseve te tij. Ndoci në 2014 kishte ekzekutuar një shtetas grek gjatë një grabitjeje, ndërsa në 2018 ishte arratisur nga burgu i Patrës. Ai u lirua para një viti dhe menjëherë pas daljes nisi sërish aktivitetin kriminal, më të “dhunshëm” se më parë.