Një punonjës policie I pikës kufitare të Qafë Botës u arrestua këtë shtunë gjatë operacionit të koduar “Stekat” për kontrabandë mallrash. Në pranga përfundoi një efektiv 49-vjeçar pasi gjatë kontrollit që ushtruan agjentët e Agjencisë së Mbikëqyrjes Policore në automjetin e tij tip “benz” me të cilin po lëvizte drejt qytetit të Sarandës, zbuluan 49 steka pa pullë fiskale. Vlera e cigareve që mendohet se kishin hyrë kontrabandë shkonte rreth 3500. Aksioni I uniformave blu u shtri edhe në dyqanin e tij në qytetin bregdetar, ku u zbuluan dhe disa qeshe me duahn po pa pullë fiskale. Nga hetimet e deritanishme rezulton se punonjësi I policisë në mënyrë periodike, gjatë kohës që ka qenë me shërbim në doganën e Qafë Botës, kalonte mallra kontrabandë për të furnizuar biznese të ndryshme në Sarandë, në një vlerë që përllogaritet të jetë rreth 10,000 euro në muaj nga shit-blerja. Në cilësinë e provës materiale u sekuestruan stekat me cigare kontrabandë, qese plasmasi me duhan pa pullë fiskale, 2 telefona celularë dhe automjeti tip Mercedez Benz që shërbente për transport.