Agjencia e Mbikëqyrjes Policore e rajonit Shkodër Lezhë, ka vënë në pranga punonjësin e policisë me iniciale I.D. me detyrë Shef i Logjistikës pranë Drejtorisë së Kufirit dhe Emigracionit në Kukës. Sipas AMP, punonjësi I policisë dyshohet për kryerjen e veprave penale “Drejtim i automjetit në gjendje të dehur” dhe “Shkelja e rregullave të qarkullimit rrugor”. Arrestimi i tij u krye pasi mbrëmjen e së dilës rreth orës 20:00, duke drejtuar mjetin e tij në aksin rrugor Milot – Morinë, është përfshirë në një aksident, ku si pasojë mbetën të plagosur nëna dhe dy fëmijët e saj të mitur, të cilët ndodhen në Spitalin e Traumës, jashtë rrezikut për jetën. AMP njofton se pas verifikimit me testin matës të alkoolit, punonjësi I policisë ka rezultuar pozitiv në masën 1.00 mg/l dhe 0.98 mg/l. Materialet proceduriale u referuan në Prokurorinë Pranë Gjykatës së Shkallës së Parë të Juridiskionit të Përgjithshëm Lezhë.