Elez Hysa dyshohet se është një nga autorët e grabitjes në Kamëz, e ndodhur në mes të ditës më 16 maj. 22-vjeçari është arrestuar nga policia e Tiranës në Malësinë e Krujës, ndërsa i janë gjetur rroba dhe sende të djegura në banesë, të cilat dyshohet se i përdori gjatë grabitjes. Burimet bëjnë me dije se gjatë arrestimit, janë gjetur edhe kuti bojërash, të cilat paraprakisht dyshohet se u përdorën për të lyer motorin, në mënyrë që të humbisnin gjurmët. Para hetuesve ai ka deklaruar se nuk është përfshirë në grabitje, ndërsa rezulton me precedent të mëparshëm penal në fushën e narkotikëve.