Një 23-vjeçar ka rënë në prangat e policisë pasi vodhi mbi 8 mijë euro dhe sende me vlerë në banesën e një 26-vjeçari në Unazën e Re. Shërbimet e Komisariatit të Policisë Nr. 6, në vijim të punës për evidentimin dhe goditjen e veprimtarive kriminale në fushën e vjedhjes së pronës dhe pasurisë, pas kallëzimit të marrë nga një 26-vjeçar, se i kishin vjedhur një shumë parash dhe sende me vlerë, në banesë, kanë organizuar dhe finalizuar operacionin policor të koduar “Home”. Sipas policisë gjatë kontrollit në banesën e 23-vjeçarit me iniciale E. N., shërbimet e Policisë gjetën dhe sekuestruan 8160 euro dhe sendet me vlerë (aksesorë floriri), që ky shtetas ka vjedhur në banesën e 26-vjeçarit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.