Emiljano Nina, kushëriri I të shumëkërkuarit Ervis Martinajt, është arrestuar I armatosur pranë shtëpisë së Ilir Selmanit, I akuzuar për vrasjen e ish-policit Santjago Malko. Ish-polici u qëllua për vdekje më 27 gusht 2019 në Tiranë. Për vrasjen e tij është akuzuar grupi rival i Martinajt, ai i Leonard Dukës. Ilir Selmani është në arrest shtepie pasi vendimi i Gjykatës së Apelit të Posaçëm ka sjellë zbutjen e masës së sigurisë nga “arrest në burg” në “arrest shtëpie”, për shkak të shuarjes së afateve të paraburgimit, sipas vlerësimit të gjykatës. Rrethanat e pranisë së Emiljano Ninës në banesën e Selmanit mbeten të paqarta. Emiljano Nina u arrestua në zonën e 5 Majit në Tiranë, disa muaj pas aksidentit në Digën e Liqenit në gusht 2023. Ai lëvizi me shpejtësi të lartë me automjetin BMË X6, nga "Rruga e Kosovarëve" hyri mes për mes një rruge automobilistike me trotuar, më pas ngjiti skarpatën duke marrë para pemë e shtylla, për të përfunduar në pedonale mbi digën e liqenit, ku e ka ndaluar muri i digës, pa përfunduar në liqen.