Ish ministri i Mbrojtjes i Koresë së Jugut, Kim Yong Hyun, u arrestua nën akzuën se bashkëpunoi me presidentin dhe persona të tjerë për shpalljen e gjendjes së jashtëzakonshme. Ndërsa po vijojnë hetimet pasi ka dyshime se mund të ketë pasur dhe tentative për rebelim. Shpallja e gjendjes së jashtëzakonshme, e para në më shumë se 40 vjet, zgjati rreth gjashtë orë, ndërsa shkaktoi reagime dhe protesta të mëdha në vend, shkruan Zëri I Amerikës. Yoon dhe bashkëpunëtorët e tij u përballen me hetime penale dhe përpjekje për shkarkim. Ministria e Drejtësisë i ka ndaluar zotit Yoon dhe tetë të tjerëve të largohen nga vendi pasi autoritetet i shohin ata si të dyshuar kryesorë në çështjen e ligjit ushtarak. Kjo është hera e parë që një president në detyrë në Korenë e Jugut merr një ndalim udhëtimi. Gjykata Qendrore e Seulit tha se miratoi një urdhër-arresti për ish-ministrin e Mbrojtjes Kim Yong Hyun bazuar në akuzat për rebelim dhe shpërdorim detyre.