Antiterrori ka vënë në pranga shtetasin turk Ibrahim Karaoglu, I kërkuar ndërkombëtarisht, për tentativë për rrëzim të rendit kushtetues dhe pjesëmarrje në organizatë të armatosur terroriste. 67 vjeçari është ndaluar në Pikën kufitare të Rinasit, në tentativë për të hyrë në Shqipëri. Ndalimi I shtetasit turk, u krye në zbatim të urdhrtit te prokuroit në vitin 2017 dhe vendimit të Gjykatës së Rrethit Gjyqësor, Tiranë për caktimin e masës së sigurisë “Arrest në burg”, me qëllim ekstradimin, për shtetasin Ibrahim Karaoglu për veprat penale “Tentativa për rrëzimin e rendit kushtetues” dhe “Anëtarësimi në organizatë të armatosur terroriste”, parashikuar nga legjislacioni penal turk. Materialet procedurale për rastin iu referuan Prokurorisë pranë Gjykatës Tiranë, për veprime të mëtejshme, në funksion të procedurës për ekstradimin e këtij shtetasi.