Një shtetas është arrestuar në fshatin Grorë gjatë një operacionit të policies të realizuar nga komisaraiti numër 6. 53 vjeçari është vënë në prangpasi akuzohet për armëmbajtje dhe prodhim të paligjshëm të armëve dhe municioneve. Gjatë kontrollit të banesës së tij, shërbimet e policisë kanë gjetur dhe sekuestruar dy armë zjarri pushkë, municion luftarak dhe një thikë, të cilat janë marrë si prova materiale. Operacioni, i zhvilluar pas informacionit të siguruar nga inteligjenca policore, ka çuar në arrestimin e shtetasit me iniciale A. K, i cili akuzohet për veprat penale “Mbajtja pa leje dhe prodhimi i armëve, armëve shpërthyese dhe municionit” dhe “Prodhimi, mbajtja, blerja ose shitja pa leje e armëve të ftohta”. Materialet e këtij rasti kanë kaluar në Prokurori për veprime të mëtejshme ligjore.