Një person ka rënë në prangat e policisë së Elbasanit, pasi është kapur duke transportuar me furgon emigrant të paligjshëm, kundrejt fitimit. 56-vjeçari u kap në flagrancë nga shërbimet e Komisariatit të Policisë Elbasan, në unazën e qytetit, Elbasan, duke transportuar me furgon, kundrejt fitimit, 4 emigrantë nga Pakistani, me qëllim kalimin e paligjshëm të kufirit. Operacioni për arrestimin e tij u bë nga seksioni për Hetimin e Trafiqeve të Paligjshme të Drejtorisë Vendore të Policisë Elbasan në bashkëpunim me shërbimet e Komisariatit të Policisë Elbasan, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit. Në cilësinë e provës materiale u sekuestruan automjeti dhe 2 celularë, ndërsa prokuroria po zhvillon hetime të tjera lidhur me aktivitetin e paligjishëm të tij.