Një shtetas shqiptar është arrestuar nga policia italiane, pasi ndaj tij ishte lëshuar një urdhër-arresti ndërkombëtar. 42-vjeçari shqiptar ishte dënuar edhe nga drejtësia gjermane me 5 vjet e 11 muaj burg për vjedhjen e 17 banesave. Mediat ehuaja raportojnë se policia është vënë në ndjekje të një automjeti ku ishin tre persona mes të cilëve edhe shqiptari, ku pasi i ka bërë thirrje disa herë drejtuesit të automjetit të ndalonte, ky i fundit nuk i është bindur urdhrit të punonjësve të policisë. Madje theksohet se ai ka kryyer edhe lëvizje dhe manovra të rrezikshme. Megjithatë ka arritur ta ndalojë shqiptarin, i cili fillimisht ka kundërshtuar me dhunë punonjësit e policisë. Pas verifikimit të shenjave të gishtave rezultoi se ndaj tij kishte një urdhër-arresti europian të lëshuar nga shteti gjerman.