Policia ka kapur një 41-vjeçar, i cili kërkohej nga autoritetet italiane për trafik narkotikësh. Me datë 13.01.2021 nga Policia Kufitare Bllatë, në bashkëpunim me strukturat e Hetimit të Krimit në DVP Dibër, në P.K.K. Bllatë është bërë kapja dhe më pas edhe arrestimi i përkohshëm me qëllim ekstradimin i shtetasit: Kleant Keshi alias Gentjan Hysa, banues në Bulqizë. Arrestimi i përkohshëm u krye pasi INTERPOL Roma / Itali, më datë 7 janar te ketij viti shpalli në kërkim ndërkombëtar shtetasin shqiptar K. K., alias G. H., pasi Gjykata e Torinos / Itali, e ka dënuar këtë shtetas me 5 vjet, 5 muaj e 27 ditë burg për kryerjen e veprave penale “Prodhim dhe shitje narkotikësh” , “Vjedhje” dhe “Kundërshtim i punonjësve në detyre shtetërore” dhe u është larguar me forcë Karabinierëve ne Torino. Materialet i kaluan Prokurorisë Pranë Gjykatës së Shkallës së Parë Dibër për veprime të mëtejshme.