Shërbimet e Komisariatit të Policisë numër 6 kanë finalizuar me sukses një tjetër operacion policor të zhvilluar në kuadër të luftës kundër armëmbajtjes pa leje. Pas informacioneve të siguruara në rrugë operative, policia ndërhyri në zonën e Astirit, ku arrestoi në flagrancë shtetasin 37 vjeçarin, banues në Lezhë dhe i dënuar më parë për vjedhje. Ai u kap duke lëvizur në këmbë me një armë zjarri pistoletë me fishek në fole. Pistoleta u sekuestrua si provë materiale, ndërsa ndaj të arrestuarit kanë nisur procedurat ligjore për veprën penale “Mbajtja pa leje dhe prodhimi i armëve, armëve shpërthyese dhe municionit”.