Policia italiane ka arrestuar një shtetas shqiptar, pasi është kapur duke vjedhur brenda një apartamenti në Napoli, së bashku me një bashkëpunëtor tjetër, i cili është ende në kërkim. Ngjarja u shënua mbrëmjen e së dielës rreth orës 19:30, kur policia italiane ndërhyri pas një denoncimi të pronarit të banesës, i cili u kishte thënë efektivëve se i kishin vjedhur shumën prej 700 euro si dhe disa bizhuteri prej ari që kapnin vlerën e 2 mijë eurove. Pociia ka arritur të identifikojë dy autorët e dyshuar, megjithëse ato kanë hyrë në banesë me fytyrën e mbuluar, me kapele dhe shall rreth qafës. Në momentin që kanë pikasur praninë e policisë, dy autorët kanë tentuar të largohen në këmbë. Gjatë operacionit për kapjen e tyre dy autorët kanë sulmuar njërin nga efektivët, ndërsa njëri prej tyre është arritur të vihet në pranga.