Tre shqiptarë kanë mbetur të arrestuar nga policia spanjolle, pas një operacioni të zvilluar në lagjen San Marti të Barcelonës. Gjatë këtij operacioni policia ka sekustruar 14 kg kokainë. Shqiptarët u zbuluan nga agjentët e policisë teksa po patrullonin në këtë zonë. Ato po lëviznin me një makinë të dyshimtë, ku policët pikasën se si pasagjerët bënë një shkëmbim. Ka qenë ky momenti kur policia ka ndërhyrë, kanë ndjekur mjetin dhe kanë zbuluar se shqiptarët fshihnin, në një vend të vështirë për t’u aksesuar në mjet gati 14 kilogramë kokainë. Droga, e cila mund të ketë një vlerë shumë të lartë në tregun e zi, ishte fshehur në një vend shumë të mirë dhe vështirë për t’u zbuluar në automjetin ku ndodheshin tre të arrestuarit. Droga është dërguar për ekspertim dhe analizm të mëtejshëm, ku do të zbulohet vlera reale e saj, nëse do të arrinte të shitej në treg, por gjasat janë që të kalojë vlerën e një milion eurove.