Policia ka arrestuar një 18-vjeçar, Dorjan Abazi, i dyshuar për tentativë grabitjeje me dhunë ndaj tre turisteve italiane në lagjen nr. 13 të qytetit. Ngjarja ka ndodhur në orët e para të mëngjesit, ndërsa hetimet kanë zbuluar përfshirjen e tij edhe në dy vjedhje të tjera të ndodhura më 27 dhe 28 prill, ku ka thyer xhamat e dy automjeteve për të vjedhur sende personale. Gjatë kontrollit në banesën e të riut, u sekuestruan municion luftarak dhe sende të dyshuara si të vjedhura. Një tjetër shtetas është proceduar penalisht në gjendje të lirë për moskallëzim krimi. Ndërkohë, në Tiranë, policia ka vënë në pranga një 30-vjeçar me precedent penal, i cili dyshohet për gjashtë raste vjedhjesh dhe tentativash vjedhjeje. Ai akuzohet për vjedhjen e tre celularëve, një shume parash, një monopatine dhe një marketi, si dhe për dy përpjekje të dështuara në biznese të tjera. Gjatë arrestimit, iu sekuestrua një telefon i dyshuar si i vjedhur. Hetimet në të dy rastet vijojnë për dokumentimin e plotë të veprimtarisë kriminale.