Policia Rrugore e Durrësit ka arrestuar shtatë drejtues automjetesh gjatë 72 orëve të fundit, pasi u kapën duke drejtuar mjetet e tyre në gjendje të dehur. Aksioni i policisë ka përfshirë monitorimin dhe kontrollimin e sanksioneve në akset kryesore të qytetit, me qëllim parandalimin e aksidenteve. Drejtuesit e arrestuar janë kapur në zona të ndryshme të Durrësit, duke shkelur rregullat e qarkullimit dhe duke rrezikuar jetën e tyre dhe të përdoruesve të tjerë të rrugës. Krahas këtyre arrestimeve, një tjetër person është vënë në pranga për posedim të lëndëve narkotike. Gjatë kontrollit të automjetit të tij, shërbimet e Policisë Rrugore gjetën dhe sekuestruan një sasi kanabisi. Në vijim të kontrolleve, një 17-vjeçar është proceduar penalisht për drejtim mjeti pa leje drejtimi. Policia apelon për të gjithë qytetarët që të tregojnë kujdes dhe të respektojnë ligjin, duke theksuar se alkooli është një prej faktorëve kryesorë të aksidenteve rrugore, ku në 24 orët e fundit janë shënaur 2 viktima.