Mediat greke kanë publikuar emrat dhe fotot e katër shqiptarëve, mes tyre një vajzë, të cilat akuzohen për tentativë grabitje me dhunë dhe armë ndodhur në muajin prill në Thermo, Greqi. Autoritetet kanë ngritur procedim penal ndaj Romeo Qosja, Lefter Toci, Mariol Toska dhe Fatbardha Shehi, për tentativë grabitjeje seriale të armatosur dhe të dhunshme. Mësohet se gjatë tentativës së grabitjes, tre burrat të maskuar kanë hyrë në banesën e një çifti, duke i kërcënuar me armë dhe duke përdorur dhunë. Gjatë grabitjes, të akuzuarit janë vënë re nga djali i çiftit dhe janë larguar, duke qëlluar dy herë në ajër. Përmes një operacioni të koordinuar policor, e akuzuara Fatbardha Shehi eshtë arrestuar në kryqëzimin Sykia teksa udhëtonte me një automjet, ndërsa dy të akuzuarit e tjerë që ishin fshehur në bagazh janë prangosur gjithashtu.