Policia e Peqinit ka finalizuar operacionin e koduar “Gjurmët”, duke zbardhur dhe dokumentuar katër raste vjedhjeje në Peqin dhe Elbasan. Në pranga kanë rënë dy persona 34 vjeç dhe 37 vjeç, të dy banues në Elbasan. Sipas hetimeve, ata dyshohet se kanë bashkëpunuar me njëri-tjetrin për të kryer vjedhje në banesa, biznese dhe automjete, duke marrë shuma parash dhe sende me vlerë. Gjatë operacionit, policia sekuestroi një automjet të marrë me qira, i cili dyshohet se përdorej për kryerjen e vjedhjeve. Po ashtu, u gjetën mjete për hapjen e dyerve, bravave dhe qepenave, si edhe veshje që dyshohet se janë përdorur nga autorët gjatë kryerjes së vjedhjeve. Hetimet vijojnë për dokumentimin e plotë të veprimtarisë së dy të arrestuarve dhe për zbardhjen e rasteve të tjera të vjedhjes ku ata mund të jenë të përfshirë. Materialet procedurale i janë referuar Prokurorisë së Elbasanit për veprime të mëtejshme, për veprën penale “Vjedhja”, kryer në bashkëpunim.