Forca e Posaçme “Shqiponja” në bashkëpunim me Seksionin për Hetimin e Narkotikëve finalizuan operacionin policor të koduar “Night”, gjatë të cilit u godit një tjetër rast i shitjes së drogave të forta në kryeqytet. Në pranga kanë përfunduar dy shtetas, të cilët sipas policisë lëvizinin më një automjet tip ‘BMW’, me qëllim shpërndarjen e lëndëve narkotike heroinë dhe kokainë. Gjatë kontrollit fizik, të dy shtetasve iu gjetën doza heroine dhe kokaine. Sipas policisë, të dy personat akuzohen për veprën penale “Prodhimi dhe shitja e narkotikëve”. Policia iu sekuestroi lëndët narkotike, 5 aparate celularë dhe automjeti i përdorur në veprimtarinë kriminale. Materialet procedurale iu referuan Prokurorisë së Tiranës, për veprime të mëtejshme.