Policia e Shkodrës ka shtuar kontrollet për kapjen e personave të shpallur në kërkim si dhe për parandalimin dhe goditjen e paligjshmërive. Si rezultat forcat “Shqiponja”, në bashkëpunim me shërbimet e Komisariatit të Policisë Shkodër, kapën në vendin e quajtur “5 Heronjt”, në fshatin Dobraç, shtetasin me iniciale Z. K. Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë arrest në burg, për veprat penale mbajtja pa leje dhe prodhimi i armëve armëve shpërthyese dhe i municionit dhe prishja e qetësisë publike. Gjithashtu, u arrestua në flagrancë një tjetër shtetas me inciale L.K, banues në fshatin Grudë e Re, për veprën penale largimi i të burgosurit nga vendi qëndrimit, pasi ka thyer masën e sigurisë arrest në shtëpi.