“Askush nuk është mbi ligjin dhe uniforma e Policisë së Shtetit nuk do të përdoret kurrë si mburojë për paligjshmërinë.”, ishte ky mesazhi I kryepolicit Skënder Hita gjatë një takimi ndërinstitucional në Sarandë ndërsa ua ndal në aksionin e zhvilluar nga Agjencia e Mbikëqyrjes policore pak ditë më parë ku përfunduan në pranga I gjithë zinxhiri drejtues I komisariatit të këtij qyteti. “Ndihem i keqardhur dhe njëkohësisht i vendosur, pasi në një nga komisariatet më të rëndësishme të vendit, i cili nga struktura funksionon në nivel drejtorie vendore, janë arrestuar drejtues dhe punonjës të niveleve të ndryshme, për shkak të implikimit të tyre në favorizimin dhe lejimin e ndërtimeve pa leje.”, tha Hita gjatë fjaës së tij ndërsa nënvizoi se kjo është e papranueshme për integritetin e Policisë së Shtetit. “Është e papranueshme për mua, si Drejtor i Përgjithshëm i Policisë së Shtetit, që një punonjës policie të bëhet palë me shkelësit e ligjit. Kushdo që mban uniformën e Policisë së Shtetit duhet të jetë në anën e ligjit dhe të qytetarëve, jo në anën e paligjshmërisë.”, nëvizoi ai.