Altin Noci, i arrestuar në kuadër të operacionit të koduar Plumbi i Artë, një nga personat e akuzuar për Masakrën e Bradasheshit, u arratis këtë të martë. Ai ishte dërguar drejt Spitalit të Durrësit për kryerjen e vizitave mjekësore, kur u largua nga gardianët të cilët dështuan që ta neutralizonin. Sipas burgjeve procedurat mjekësore për të paraburgosurin u zhvilluan në repartin e infektivit që ka dhe ambientet e posaçme të sigurisë për të dënuarit. Ende mbetet mister se si Ndoci mundi t’I shpëtojë vëzhgimit të gardianëve. Sipas të dhënave paraprake, Ndoci kërkoi që të shkonte në tualet, ndërsa shoqërohej nga gardianët. Ai mundi që ti godasë ata dhe të shpëtojë prej mbulimit, ndërsa siç edhe shihet nga kjo foto, ai vrapoi drejt parkimit ku e priste një makinë tip Audi me targë AA700RS, për të humbur më pas gjurëmt.