Ministri i jashtëm grek ka mbërritur në turqi të dielën në një shenjë mbështetjeje pasi vendi u godit nga një tërmet shkatërrimtar, shtatë ditë më parë, pavarësisht rivalitetit të hershëm mes dy vendeve anëtare të NATO-s. Nikos Dendias, u prit nga homologu i tij turk, Mevlut Cavusoglu, me të cilin sic u pa edhe në imazhet e transmetuara në televizione u përqafua ngrohtësisht, para se të ngjiteshin në helikopterë të cilët i cuan mbi rajonet e goditura më rëndë nga tërmeti. Vizita e Dendias shënon edhe të parën e një ministri evropian në turqi, që nga tërmeti. Të dy ministrat udhëtuan drejt Antakya-s, ku skuadrat greke po ndihmojnë në përpjekjet e kërkim shpëtimit. Ministria tha se ai do të vizitojë edhe minisionin grek të ndihmave në vend. Greqia, pavarësisht një historie rivaliteti me turqinë, që daton në shekuj të shkuar, ishte mes vendeve të para evropiane që ka dërguar punonjësit e shpëtimit dhe të ndihmave, të hënën, vetëm pak orë pas katastrofës.