Ministri i Jashtëm i Luksembburgut, Jean Asselborn ka mbrojtur kancelarin gjerman, Olaf Scholz në debatin për dërgimin e tankeve luftarake gjermane në Ukrainë. "Armiku nuk është Scholz, armiku quhet Putin. Dhe këtu duhet të përqëndrohemi", tha Asselborn për televizionin gjerman, ZDF. Vërtet Scholz nuk ka thënë ende Jo për tanket gjermane, por as edhe një Po. Sipas Asselborn Gjermania nuk është e izoluar në çështjen e tankeve, siç paraqitet në mediat gjermane. Ka edhe vende të tjera të mëdha që hezitojnë të hedhin këtë hap. Asselborn foli për 300 tanke, të cilat i nevojiten Ukrainës. E po të shohësh përreth ka vetëm një model prezent në Europë, tanket Leopard, tha ai.