Tre avionë ushtarakë të Rusisë janë ndaluar në hapësirën ndërkombëtare ajrore mbi detin Baltik, njoftuan forcat ajrore gjermane. Avionët nuk kishin ndezur aparaturat që tregojnë të dhëna për fluturimin e tyre. Gjermania dhe Britania ngritën menjëherë në fluturim avionët e tyre ushtarakë për të identifikuar dy avionët rusë të tipit Sukhoi Su-27 dhe një Ilyushin Il-20, tha ushtria gjermane përmes një postimi në Tëitter. Autoritetet ushtarake gjermane publikuan fotografi të avionëve rusë. Avionët ushtarakë rusë rregullisht fluturojnë nga Rusia për në Kaliningrad, që nënkupton se përplasje të tilla në hapësira ajrore të këtij rajoni janë të shpeshta. Më herët gjatë këtij muaji, Gjermania ia kaloi përgjegjësitë Britanisë për patrullimin e hapësirës ajrore të NATO-s në Baltik. Avionët e NATO-s mbrojnë hapësirën ajrore në këtë zonë sepse Lituania, Letonia dhe Estonia nuk kanë avionë luftarakë.