Pentagoni është gati të nisë ndihmat ushtarake për ukrainën, menjëherë, pasi të martën senati të votojë paketën që më pas do të firmoset me urgjencë nga Biden. E pas kësaj, do të duhet më pak se një javë para se disa armë të arriëjnë në fushën e betejës. Sipas Uashington post, që citon zyrtarë amerikanë, armët nuk do të vonojnë të mbërrijnë në Kiev. Departamenti amerikan i mbrojtjes, kishte paralajmëruar se ukraina gradualisht do të dorëzohej përballë forcave ruse dhe do të pësonte humbje të jashtëzakonshme në rast se kongresi amerikan nuk do të vepronte shpejt. Ndaj, ai ka nisur të përgatisë një paketë ndihmash ushtarake që para se të kryhej votimi, me qëllim që të përshpejtohet procesi. Ndërkohë forcat ruse mendohet se do të intensifikojnë sulmet duke shfrytëzuar dritaren e përkohshme para mbërritjes së armatimeve të reja në evnd. Instituti për studimet e luftës, është ai që e bën paralajmërimin, menjëherë pas miratimit në dhomën e përfaqësuesve në shba të projektligjt që i jep ukrainës 60 miliardë dollarë ndihma ushtarake.