Shtetet e Bashkuara shprehën besim se bisedimet e paqes me Iranin do të vazhdojnë në Pakistan dhe një zyrtar i lartë iranian tha se Teherani po shqyrtonte pjesëmarrjen, por pengesa dhe pasiguri të konsiderueshme mbeten ndërsa fundi i armëpushimit po afrohet. Armëpushimi dy-javor skadon brenda orësh dhe pavarësisht se Irani më herët përjashtoi mundësinë e një raundi të dytë negociatash këtë javë, një burim pakistanez i përfshirë në diskutime i tha Reuters se kishte gjasa që bisedimet të rifillonin të mërkurën. "Gjërat po ecin përpara dhe bisedimet janë në rrugën e duhur", tha burimi të martën duke shtuar se Presidenti amerikan Donald Trump mund të merrte pjesë personalisht ose virtualisht nëse do të nënshkruhej një marrëveshje. Zëvendëspresidenti amerikan JD Vance do të jetë në Pakistan për negociata, raportoi Axios, duke cituar burime amerikane dhe Ëall Street Journal tha se Irani u kishte thënë ndërmjetësve rajonalë se do të dërgonte një delegacion në Pakistan të martën, duke cituar burime të njohur me çështjen.