Kërcënimi i Putinit për Perëndimit, kur tha se ‘edhe ne kemi armë që mund të arrijnë territoret tuaja’, nuk ka lënë aspak indiferencë SHBA-në dhe BE-në. Përballë mundësisë për të vendosur armë bërthamore taktike në Bjellorusi, NATO nuk është e papërgatitur edhe pse arsenali i saj ka rënë në mënyrë progresive gjatë këtyre dekadave. SHBA ka vendosur armët e saj bërthamore në bazat e NATO-s, pas fundit të luftës së dytë botërore, duke filluar nga vitet 50. Sipas CFR, këshillitpër marrëdhëniet me jashtë, një qendër studimi amerikane e specializuar në politikën e jashtme, armët bërthamore taktike të SHBA-së janë vendosur në gjashtë baza në pesë vende anëtare të aleancës, Belgjikë, Gjermani, Italia, holandë dhe Turqi. Mbretëria e bashkuar dhe franca kanë armët e tyre bërthamore ndaj dhe nuk kanë marrë armë amerikane. Sipas ekspertëve, SHBA mund të ketë vendosur rreth 100 bomba bërthamore taktike në këto gjashtë baza. Arsenali në fakt është zvogëluar ndër vite pas disa marrëveshjesh për armatimet bërthamore, vecanërisht falë traktatit për forcat bërthamore me rreze të mesme veprimi në 1987-ën, mes uashingtonit dhe Moskës. Arsenali bërthamor amerikan në evropë, përbëhet kryesisht nga bomba me gravitet B61, të projektuara për tu lëshuar nga bombardues apo avionë ushtarakë. Në shërbim nga më shumë se 50 vite, B61, sipas CRF-së, është arma e fundit bërthamore taktike që zotërohet nga SHBA. Prania e armëve bërthamore në tokë evropiane u vendos për të siguruar anëtarët e natos, gjatë viteve të luftës së ftohtë, në rast të një sulmi që konsiderohej shumë i mundshëm nga ana e bashkimit sovjetik. Në anën tjetër, rusia disponon raketa balistike ndërkontinentale, nëndetëse dhe bombardues të rëndë. Këto armë janë vendosur në disa baza ushtarake në territorin shumë të madh të saj. Analistë nga disa vende të BE-së, prej kohësh kanë hedhur dyshime mbi praninë e armëve bërthamore në Kaliningrad, enklavën ruse mes Polonisë dhe Lituanisë. Zyrtarisht moska gjithnjë ka mohuar edhe pse sipas CFR, një zyrtar i qeverisë në 2018-ën, kishte konfirmuar dërgimin e raketave iskander, me kapacitet bërthamor, pikërisht në kaliningrad.