Rusia ka kapur disa armë amerikane dhe të natos, në fushëbetejë në Ukrainë, dhe po i dërgon ato në Iran, ku SHBA beson se Teherani do të përpiqet të zbulojë sistemet inxhinierike. Lajmi është konfirmuar për CNN nga katër burime. Gjatë vitit të shkuar, SHBA, NATO dhe zyrtarë të tjerë perëndimorë kanë parë instanca të ndryshme të forcave ruse që marrin armë si Javelin apo Stinger, që forcat ukrainase janë detyruar ti lënë pas. Në shumë prej këtyre rasteve, Rusia i ka dërguar pajisjet në iran për ti cmontuar dhe analizuar në mënyrë që ushtria iraniane të përpiqet të prodhojë versionet e veta të këtyre armëve. Rusia beson se vazhdimi i dërgimit të armëve perëndimore në Iran do të shtyjë republikën islamike të rrisë mbështetjen e saj për luftën e rusisë në Ukrainë. Zyrtarët amerikanë nuk besojnë se problemi është i përmasave të mëdha apo sistematik, ddhe se ushtria ukrainase e ka bërë zakon që nga fillimi i luftës që të raportojë në pentagon cdo rast të humbjes së pajisjeve ushtarake amerikane. Nuk është ndërkohë e qartë nëse irani ia ka dalë mbanë të kopjojë ndonjë armë amerikane të marrë në ukrainë, por vendi ka treguar se është i etur të krijojë sisteme armësh të bazuara në pajisjet e gjetura amerikane edhe në të shkuarën.