Izraeli dhe Hamasi dakordësuan një marrëveshje që do të ndalojë luftimet në Gaza dhe do të çojë në lirimin me faza të pengjeve dhe të burgosurve palestinezë. Zbatimi ka të ngjarë të fillojë ditën e dielë. Hamasi pritet të lirojë 33 pengje gjatë fazës së parë të marrëveshjejes. Qindra të burgosur palestinezë pritet të lirohen nga burgjet izraelite në të njëjtën kohë. Negociatat për të arritur në fazën e dytë, e cila synon t’i japë fund luftës, do të fillojnë në ditën e 16-të të zbatimit të marrëveshjes. Në një postim në Truth Social, presidenti sapozgjedhur i SHBA-ve, Donald Trump shkruan: “Kjo marrëveshje epike e armëpushimit mund të kishte ndodhur vetëm si rezultat i Fitores sonë Historike në Nëntor, pasi i sinjalizoi mbarë botës se administrata ime do të kërkonte paqe dhe do të negocionte marrëveshje për të garantuar sigurinë e të gjithë amerikanëve dhe aleatëve tanë. Jam i emocionuar që pengjet amerikanë dhe izraelitë do të kthehen në shtëpi për t'u ribashkuar me familjet dhe njerëzit e tyre të dashur.”