Autoritetet kosovare thanë se kanë zbuluar një sasi të madhe armësh pasi serbë të armatosur sulmuan policinë e kosovës në Banjskë të Zvecanit, duke lënë edhe një polic të vrarë. Njësitë e armatosura të policisë vazhdojnë të kërkojnë mjetet dhe shtëpitë rreth fshatit Banjskë. Ndërkohë, fotot e publikuara nga policia tregonin një arsenal të madh armësh të kalibrit të madh, mortaja si edhe një mjet të blinduar. Ministri i brendshëm, Xhelal Zvecla, tha se autoritetet kishin zbuluar një sasi të jashtëzakonshme armësh të rënda, lëndësh shpërthyese, unformash, mjete logjistike, furnizime me ushqime dhe pajisje për barrikada. “Mund të themi se pajisjet ishin të destinuara edhe për disa qindra sulmues të tjerë, tha Svecla. Armatimi i gjetur në veri, sipas zyrtarëve, kishte kapacitete të mbërrinte deri në prishtinë ndërkohë që gjetja edhe e hartave, flet për një plan të shtrirë në kohë dhe të mirëmenduar.