Në kuadër të një operacioni policor, shërbimet e Komisariatit të Policisë Vau i Dejës, në bashkëpunim me Forcën “Shqiponja”, arrestuan dy shtetas për veprime kriminale në fushën e armëmbajtjes pa leje dhe trafikimit të narkotikëve. Gjatë këtij operacioni, një shtetas u kap në flagrancë në një lokal, ku iu gjet dhe iu sekuestrua një armë zjarri pistoletë me municion luftarak. Ai u arrestua dhe akuzohet për mbajtja pa leje dhe prodhimi i armëve, armëve shpërthyese dhe municionit. Ndërkohë, një 29-vjeçar po ashtu i arrestuar gjatë operacionit, u kap me një sasi lënde narkotike të dyshuar kanabis në automjetin me të cilin udhëtonte. Ai u arrestua për veprën penale "Prodhimi dhe shitja e narkotikëve".