Marina amerikane njoftoi të mërkurën se kishte testuar një armë me lazer dhe kishte shkatërruar një objekt në det në lindjen e mesme, një sistem ky që mund të përdoret kundër dronëve kamikazë. Testi u krye të martën nga luftanija USS Portland, dhe u asgjësua një objektiv në gjirin e Adenit, që ndan afrikën lindore nga gadishulli arabik. Flota e 5 e marinës amerikane në lindjen e mesme, tha se testimi kishte qenë i suksesshëm. Më herët, portland kishte përdorur një armë me lazer për të rrëzuar një dron në qiell. Gjiri i Adenit, ndodhet pranë brigjeve jugore të Jemenit ku luftimet zgjasin që nga 2014-ta. Një koalicion i udhëhequr nga arabia saudite u angazhua në konflikt në mars 2015, por përparime nuk janë shënuar. Përkundrazi, kjo është bërë një nga krizat më të rënda humanitare në botë dhe ka marrë rreth 110 mijë jetë njerëzish. Si pasojë edhe ujërat përreth kanë qenë të trazuara. Rebelët kanë dislokuar shpesh anije të telekomanduara në këto ujëra, që më pas kanë hedhur në erë shënjestra të ndryshme.