Rusia po zhvillon një armë të re kundër satelitëve, shumë trazuese, thotë SHBA, por Moska ende nuk e ka dislokuar atë. Zëdhënësi i shtëpisë së bardhë, John Kirby, i bëri komentet një ditë pasi një përfaqësues republikan i dhomës së përfaqësuesve, lëshoi një paralajmërim të vagët për një kërcënim serioz për sigurinë kombëtare. Arma do të vendoset në hapësirë dhe mban një mbushje bërthamore që mund të sulmojë satelitët. Por, John Kirtby nuk e ka konfirmuar këtë dhe refuzoi të japë detaje precize për kërcënimin. Moska akuzon SHBA se po e përdor pretendimin për një armë të re ruse, si një manovër për të detyruar kongresin që të miratojë ndihmën shtesë për ukrainën. Kirbi, që kohët e fundit është bërë edhe ndihmësi kryesor i presidentit Joe Biden, i tha gazetarëve se sidoqoftë nuk kishte një kërcënim të menjëhershëm për publikun amerikan. “Ne nuk po flasim për një armë që mund të përdoret për të sulmuar njerëzit apo për të shkaktuar shkatërrim fizik këtu në tokë”, tha ai. Presidenti Biden është informuar nga inteligjenbca amerikane, tha Kirbi, dhe administrata e tij po e merr shumë seriozisht zhvillimin e kësaj arme të re. Ai shtoi se presidenti kishte urdhëruar tashmë angazhim direkt diplomatik me rusinë, në lidhje me kërcënimin. Kryetari i komitetit të inteligjencës në dhomën e përfaqësuesve, Mike Turner, lëshoi një paralajmërim të koduar për një kërcënim serioz të sigurisë kombëtare të mërkurën, duke ndezur një debat të ethshëm në kryeqytetin amerikan. Të enjten, Turner dhe pjesëtarë të tjerë të komitetit u takuan me këhsilltarin e sigurisë kombëtare, Jake Sullivan, për të diskutuar cështjen. Ndërsa armët hapësinore duken si sajesa të filmave fantastiko-shkencorë, ekspertët ushtarakë kanë paralajmëruar prej kohësh se hapësira mund të bëhet fronti i ri i luftës në një botë që gjithnjë e më shumë po bëhet e varur nga teknologjia.