Policia e Durrësit ka arrestuar tre persona dhe sekuestruar armë zjarri, fishekë luftarakë dhe sasi droge gjatë operacionit të koduar ‘Kalibri’. Policia njofton se në pranga kanë rënë shtetasit Dervish Tusha, Lamberto Dinaj dhe Arsildo Marku. Lamberto Dinaj dhe Arsildo Marku, që të dy banues në Lezhë u kapën duke lëvizuar me automjet në hyrje të qytetit të Durrësit, ku dyshohet se kishin udhëtuar për të shitur një armë zjarri pistoletë dhe dy krehëra me fishkë. Arma dhe municioni u gjetën në çantën e Dinajt, që ndodhej në makinë si pasagjer. Nga kontrollet u zbulua edhe një sasi kanabis. Në një tjetër kontroll, policia thotë se në fshatin Shtrazë të Shijakut ka gjetur një armë zjarri kallashnikov, një granatë me ndezës të montuar, një krehër armed he qindra fishekë luftarakë në banesën e Dervish Tushës. Nga verifikimet rezultoi se armatimet mbaheshin pa leje. Të tre këta persona u arrestuan në flagrancë, teksa provat materiale dhe dosja i kaloi prokurorisë për hetime të mëtejshme.