Me anëtarësimin e Finlandës dhe Suedisë në NATO, ekziston mundësia që armët bërthamore të aleancës ushtarake perëndimore të vendosen shumë afër kufirit rus. Dy vendet dërguan kërkesën e tyre për t'u anëtarësuar në Aleancë,në maj, si përgjigje ndaj pushtimit rus të Ukrainës. Sipas mediave finlandeze, projektligji për anëtarësimin e mundshëm në NATO i qeverisë finlandeze nuk përfshin asnjë përjashtim në lidhje me armët bërthamore. Ministrat e jashtëm dhe të mbrojtjes të Finlandës, Pekka Haavsto dhe Antti Kaikkonen, u zotuan në korrik të mos kërkojnë asnjë kufizim ose rezervë kombëtare nëse kërkesa për t'u bashkuar me aleancën miratohet. Premtimi nënkupton se armët bërthamore mund të kalojnë nëpër territorin finlandez dhe nuk ka kufizime për vendosjen e bazave të NATO-s në vend. Aplikimet e Finlandës dhe Suedisë për anëtarësim në NATO janë miratuar tashmë nga parlamentet e 28 nga 30 shtetet anëtare të aleancës, dhe tanimë pritet miratimi nga Hungaria dhe Turqia.