Rusia ka filluar të përdorë tanket e reja të saj të betejës, T-14, për të sulmuar pozicionet ukrainase por ata nuk po marrin pjesë ende në operacionet direkte të sulmit – tha agjencia shtetërore e lajmeve RIA, të martën, duke cituar një burim të afërt me cështjen. RIA tha se tanket ishin pajisur me mbrojtje shtesë në anë dhe ekuipazhet i ishin nënshtruar trajnimeve në koordinim luftarak. Tanku T-14, ka një kullë të telekomanduar me ekuipazhin që kontrollon në distancë armatimet, nga një kapsulë e blinduar dhe izoluar që ndodhet në pjesën ballore të mjetit. Tanket kanë një shpejtësi maksimale prej 80 kilometrash në orë – raporton RIA. Në janar, inteligjenca ushtarake britanike raportoi se forcat ruse në Ukrainë hezitonin të merrnin tanket e reja për shkak të gjendjes së tyre jo të mirë. AJo po ashtu tha se dislokimi i tankeve T-14, do të ishte një vendim me rrezik të lartë për Rusinë dhe nëse do të jetësohej, kjo do të bëhej kryesisht për qëllime propagande. “Tanket e prodhuara janë nuk janë shumë ndërsa komandantët me gjasë nuk i besojnë mjetit në luftë”, tha ushtria britanike. “me 11 vite në zhvillim, programi është shoqëruar me vonesa, reduktim të numrit të mjeteve të prodhuara dhe raporteve për probleme në prodhim”, tha inteligjenca britanike. Kremlini urdhëroi prodhimin e 2300 tankeve, në 2015-ën, por më pas shifra u reduktua në 2025. Në dhjetor 2021, agjencia e lajmeve Interfax raportonte se kompania shtetërore Rostec kishte nisur prodhimin e rreth 40 tankeve, që do të ishin të gatshëm për përdorim pas 2023-shit.