Një armë elektronike sekrete e rusisë, e vendosur në Kaliningrad, ka bllokuar teknologjinë GPS në fluturime dhe lundrime përgjatë skajit lindor të NATO-s, druajnë shërbimet perëndimore të Inteligjencës. Ka patur ndërprerje në drejtimin me GPS të trafikut ajror dhe detar në finlandë, vendet baltike dhe poloni, sipas shefit të ushtrisë estoneze. “Ajo që ne kemi parë është një keqfunksionim i GPS-it për trafikun ajror dhe të anijeve”, thotë gjerenali Martin Harem, komandant i forcave mbrojtëse estonezë. “Dhe ne në të vërtetë nuk e dimë nëse rusët duan të arrijnë dicka apo thjeshtë po praktikojnë dhe testojnë pajisjet e tyre”, shton ai. Arma e dyshuar elektronike që shkakton këto ndërprerje, me gjasë është e vendosur në bazën ushtarake ruse në kaliningrad, enklavë kjo që ndodhet mes lituanisë dhe polonisë, sipas shërbimeve perëndimore të inteligjencës. Sistemi fiks i bllokimit, quhet Tobol dhe thuhet se është një nga më pak se dhjetë sistemet e tilla që rusia i përdor si armë. Ai raportohet se i ngjan një disku të madh satelitor por imazhet që qarkullojnë në mediat sociale nuk ofrojnë mundësinë e verifikimit. Sipas ekspertëve, mjeti përdoret si një armë mbrojtëse. Duke shkaktuar ndërprerje të GPS-it edhe në raketat precize, ai mund të bëjë që kjo e fundit të humbasë shënjestrën. Sidoqoftë, nëse arma përdoret kundër shënjestrave civile në vend të atyre ushtarake, ajo mund të shkaktojë kaos për kompanitë ajrore komerciale. Kohët e fundit janë raportuar disa incidente shqetësuese me avionët si pasojë e ndërprerjes së transmetimit GPS. Ekspertët paralajmërojnë se nëse një gjë e ngjashme i ndodh anijeve, ato mund të përplasen pasi nuk do të mund ta shohin njëra tjetrën në sistemet e lundrimit.