Top News – Arma e parë lazer, rrëzon dronët 3 km larg/Në stil ‘Star Wars’, Britania forcon ushtrinë

Arma e parë me lazer në historinë e ushtrisë britanike, ka kryer ‘vrasjen’ e saj të parë. Bëhet fjalë për një armë që në të ardhmen do të përdoret për të asgjësuar avionë ushtarakë, luftanije dhe raketa hipersonike. Si të ishte një skenë nga një film fantastiko-shkencor, prototipi i ri 100 milionë paundësh, DragonFire, mundi të shkatërronte një dron nga një largësi prej 3 kilometrash. Platforma, që shefat e ushtrisë thonë se do të revolucionarizojë fushëbetejën në të ardhmen, nuk kërkon municione. Në vend të tyre, ajo përdor rrezen e saj të padukshme 50 kilovoltëshe për të qëlluar shënjestra, edhe të vogla, që mund të udhëtojnë me shpejtësinë e zërit. E ndërtuar nga shkencëtarët në britaninë e madhe, projektuesit e DragonFire thonë se sistemi i armëve high tech është shumë i saktë.