33-vjeçari i ndjerë që humbi jetën mes flakëve, teksa shpëtoi 25 persona në një qendë tregtare, është shpallur “Dëshmor i Atdheut”. Kryeministri Edi Rama u dorëzoi familjarëve certifikatën e shpalljes së tij “Dëshmor i Atdheut”. Me cmimin e jetës të tij, Arjan Sala shpëtoi shumë njerëz. Ishin fjalët e para që kryeministri zgjodhi të ngushëllonte familjen e Arjan salës për ngjarjen tragjike, në vizitën që u bëri. Fjalët janë të tepërta, por sidoqoftë duhet te jemi krenar sepse ka shpëtuar shumë njerëz, fatkeqësisht me çmimin e jetës së tij. Por ka bërë vërtet një heroizëm të madh edhe shumë të rrallë. Natyrisht që jeta është… Ska çmim! Sidoqoftë ne menduam që është detyra jonë që ta nderojmë dhe ta vlerësojmë, dhe vendosëm që ta shpallim “Dëshmor të Atdheut”. Do ta mbështesim më sa kemi mundësi familjen me famijën e vogël. Ligjërisht i takon një pension i veçantë, ne duam ti japim një shumë direkte familjes. Këto janë më shumë për respekt se sa bëjnë ndonjë ndryshim. E di që është e tmerrshme, se imagjinoj dot. E marr me mend sa mundem. Babai i të ndjerit ka pranuar me dorë në zemër dhe sytë e përlotur certifikatën, duke kujtuar momente nga i biri dhe ngjarja tragjike “Na iku por jemi krenar që historia e tij nuk do harrohet”…. Nëna e të ndjerit: Iu tha goja për babanë! Bashkëshortja e të ndjerit: Nuk dimë ça ti themi fëmijës! Rama: Të gjithë rregullohen përveç nënës që nuk pajtohet dot me këtë gjë. Kush e lindi nuk pajtohet dot me këtë gjë. Babai: Nuk e besoja që kam aq djalë trim. Rama: Trim e kanë bërë zemra dhe edukata që i keni dhënë. Nuk u ka kthyer shpinën të tjerëve por ka shkuar deri në fund.