Arinjtë duket se i janë afruar jo pak kampit ku Vladimir Putin po flinte, në një udhëtim të fundit të tij në Siberi, por me sa duket u stepën në vend dhe u zbrapsën pasi kuptuan se ishte presidenti rus. Kjo në fakt është mënyra se si e përshkroi situatën me shaka ndihmësi i Putinit. Dimitry Peskov e bëri komentin ndërsa po pyetej nga gazetarët për aventurat më të fundit në kamp të Presidentit, në rajonin e gjerë lindor të rusisë, që synonte të forconte imazhin prej të forti të Putinit pas zgjedhjeve më të fundit. Në pamjet e udhëtimit, Putini dëgjohëj teksa bisedonte me ministrin e tij të mbrojtjes, që i thoshte se një ose dy arinj i ishin afruar kampit gjatë natës. I pyetur për këtë pjesë, Peskov insistoi se masat e sigurisë kishin qenë në nivelin e duhur para se të kthehej dhe të bënte shaka: Plus arinjtë e panë që ishte vetë Putini!