Çmimi i arit në tregjet ndërkombëtare ka arritur një rekord të ri. Metali me vlerë në tregtimin në bursa shënoi të hënën vlerën 4.420 dollarë. Ky është rekordi i parë që nga çmimi më i lartë deri tani i shënuar në tetor, kur kursi kapi shifrën pak mbi 4.380 dollarë për ons ose 31,1 gram. Metali i çmuar, shënon kështu pak para fundit të vitit një rritje vjetore prej gati 70 përqindësh. Kjo është edhe rritja më e madhe e çmimit që nga vitit 1979. Kjo rritje konsiderohet se ka të bëjë kryesisht me pasiguritë gjeopolitike dhe ekonomike si dhe me luftrat dhe doganat. Shumë depozitues në kohë të tilla preferojnë të ashtuquajturit porte të sigurta si ar dhe argjend. "Ari prej shekujsh ka një stabilitet të madh tek fuqia blerëse pavarësisht sistemeve politike, apo krizave monetare dhe ekonomike", shpjegojnë ekspertët.