Banorët e dëshpëruar i kanë bërë apel gjuetarëve të thesareve të qëndrojnë larg, pasi ata kanë sulmuar fshatin holandez Ommeren, në kërkim të pasurive që me gjasë vlejnë miliona, e që mendohet se janë fshehur atje nga ushtarët nazistë, gjatë luftës së dytë botërore. Gjuetia e thesarit ëshët ndezur nga një hartë e vjetër që besohet se tregon se ku ushtarët gjermanë mund të kenë groposur kutitë e municioneve që në fakt ishin të mbushura me diamante të grabitura, rubinë, ar dhe argjend. Harta e vizatuar me dorë, bashkë me një shenjë kryqi në ngjyrë të kuqe që tregon vendin ku supozohet se është groposur thesari, është pjesë e një dosjeje të publikuar nga arkiva kombëtare holandeze vetëm javën e kaluar. Kur dokumentet u bënë publike, në fund të periudhës 75 vjecare të ruajtjes së sekretit, harta e deklasifikuar bëri të qartë se Ommeren, në provincën lindore të Gelderlandit, ishte vendi ku thesari ndodhet.