Ari ka shënuar një rekord të ri pasi investitorët shqetësohen për ndikimin e luftës tregtare midis SHBA-së dhe Kinës. Cmimi arriti në 3357 dollarë për ons të mërkurën, përpara se të shënonte një zbritje të lehtë. Vlera e arit është rritur kështu me një të tretën që nga fillimi i vitit. Rritja vjen pas komenteve të kreut të bankës qendrore amerikane i cili tha se politikat tarifore të Presidentit Donald Trump ka të ngjarë të nënkuptojnë rritje më të ngadaltë, çmime më të larta dhe rreziqe papunësie. Metali i çmuar shihet si një aktiv më i sigurt për investitorët gjatë periudhave të pasigurisë ekonomike. Në Klubin Ekonomik të Çikagos të mërkurën, kryetari i Rezervës Federale, Jerome Poëell tha se tarifat më të larta se sa pritej, të shpallura në javët e fundit, mund të rezultojnë në ngadalësimin e rritjes ekonomike të SHBA dhe rritjen e çmimeve për konsumatorët. Poëell mbajti fjalimin e tij pas një periudhe trazirash në tregjet financiare globale, ndërsa investitorët reaguan ndaj hyrjes në fuqi të taksave të reja të importit dhe përshkallëzimit të luftës tregtare midis SHBA-së dhe Kinës.